حصريا لجوال العرب :- تقــــــــرير وحشــــــ سوني أريكسون (( الســـــاتيو ))

طبعا مثل مايعرف البعض انه اول جهاز من سوني اريكسون بنظام سمبيان Series 60 وبالنسبة لنظام وهو اول سوفتير للجهاز سريع ومستقر واستجابة عالية مع اني بصراحة ماحب السمبيان احسة عشوائي شوي .. بس اهم شي انه سوني اريكسون حطت لمستها على النظام مع انه بعض النقاط فيه شبه من استخدام النوكيا وانا ماحب استخدام النوكيا وبالنسبة للمسجات ابداااااااااااااع من اكثر الاشياء اعجبتني في الجهاز بحكم انه عندك ثلاث خيارات للكي بورد .. لما خليت الكي بورد (( فل )) اكتب بسرعة خيالية .
ملاحظة (( نفس النظام الموجود في N97 , XpressMusic , omnia HD ))





الشاشـــــــة

ممتازة من ناحية الالوان والوضوح والمعروف عن السوني اريكسون في الشاشات فما بالكم لما يكون الوضوح (( 360X640 )) واول جهاز من سوني 16 مليون لون اخلي التخيل الباقي عليكم ومن ناحية السطوع قمة وهذا بصراحة اللي كنت خايف منه لانه اخوي عنده اومنيا 2 البوكيت والشاشة حقته ليد ومعروفة بسطوعها .. بس لما قارنته كانت روعة بالنسبة لـ TFT و وضوح الشاشة تحت الشمس رائع .



الحساسية والسينسور

ممتازة الحساسية لشاشة واستجابتها سريعة في البداية حست شوي بعدين كل شي اوكي ومريحة .. اما السينسور (( الحساسات )) استجابتها سريعة وحساسة كنت خايف انها تكون بطيئة شوي خصوصا انه سمبيان بس الحمدالله كل شي تمام .





الصوتيـــــــــــــــات

طبعا هذه النقطة المهمة عند الكثير , بس بشكل عام صوتيات الجهاز متوسطة وطبعا سماعة وحدة هي مثل السماعة الموجودة في الــ C905 والاصوات بينهم متقاربة لحد كبير اما بالنسبة لسماعة المكالمات من ابدع مايكون (( نقاء عالي + ارتفاع الصوت )) وبالنسبة لي اهم نقطة في الصوتيات , اما الصوتيات الثانية رح اختصرها في التقييم كالتالي :-

سماعة المكالمات 10\10

النغمات 10\8

المقاطع الصوتية 10\7

الفيديو 10\7

الاسبيكر 10\6

نقاء الصوت 10\10

التقييم العام 10\6.5

وطبعا في تحسن خفيف مع الاب ديت الاخير .. وان شاء الله التحديثات القادمة تكون افضل لانه فيه مقطع الديمو الصوت فية ممتاااااااااااز وعالي ان دل يدل على انه السماعة امكانياتها عالية .




البـــــــــــــطارية

وهذه اللي برضو من الاشياء اللي كنت خايف منها بس الحمدالله اكثر من ماتوقعت بحكم حجم الشاشة مقارنه بالقوة البطارية .. طبعا شحنت الجوال تمااااااما فل .. وبدأت استخدمه من الساعة 6 الصباح استخدام مكثف .. وايرلس .. بلوتوث .. كاميرا .. واستخدام الفلاش.. . لعبة ثري دي .. ماسنجر .. تشغيل صوتيات .. التنقل بين القوائم , هلكت الجهاز ماخليت الشاشة توقف او تطفي لحد الساعة 9 و36 دقيقة بالضبط يعني استخدام 3 ساعات ونص نزلت شرطتين من البطارية وهذا لسا ماتوسعت خلايا البطارية بعد كم شحنة رح تكون اوضح بس مبدأيا بالنسبة لي اكثر من كافية وفي نقطة مهمة هي اللي خلتني اتقصى اكثر عن البطارية قبل ماشتريه اللي هي انه بطارية الساتيو مو مثل بطاريات الجوالات الثانية اللي تستخدم ليثوم ايون سوني استخدمت بطارية بتقنية الجديدة تعطي 25 % زيادة في الطاقة و عمر البطارية وهي تقنية الليثيوم بوليمير.


وســـــــائل الإتصال والتصفـــــــــــــــــــح

بالنسبة للإرسال فهو جيد جيدا إلى ممتاز مقارنة مع الأجهزة الثانية رغم وجود عوازل في البيت إلا انه قوي , اما عن التصفح اكثر من رائع ويدعم المواقع العربية 100 % وبدون اي مشاكل ويدعم مواقع الفلاش 100 % (( Web browser has full Flash support )) بالمختصر من ناحية التصفح بدون مبالغة كأنك تتصفح من كمبيوتر وفي نقطة عجبتني في الانترنت بالجهاز وهو كل مابغيت تفتح المتصفح مثلا مايحتاج تروح تشغل الواي وافي بس اضغط على المتصفح رح يخيرك بين (( التصفح بالواي فاي أو التصفح عن طريق انترنت الجوال )) وهالخيارين يطلعون لك بعد في حال استخدامك لأي برنامج يحتاج دخولة للإنترنت , وهذه صورة من تصفحي .



الكـــــــــــــــــاميرا

يمكن البعض يستغرب ليش تكلمت عن الكاميرا اخر نقطة .. بس لانه في كلام كثير + صور
انا اول مابديت اصور واصور واصور .. وكنت مبسوط بالوضوح والحدة في الصور بس بعدها استوعبت انه الكاميرا على 9 ميجا كانت , عدلتها على 12 وبدأت اصور بس بصراحة الكاميرا لحد الحين ماجلست لها صح لاني ركزت على الجهاز بشكل عام عشان التقرير ورح اذكر الاشياء اللي جربتها في التصوير واخر الموضوع رح احط بعض الصور من تصويري وبالنسبة للــ

تصوير المايكرو ... روعةةةةة ويطلع ادق التفاصيل ومن الدقة في وضع المايكرو في صورة كنت ابي ارفعها في الموضوع بس لما شفتها على الكمبيوتر وشفت الفضايح بطلت

تصوير الفيديو ... ابداع واضح وسلس وواروع مافيه يلقط ادق الاصوات والتصوير الليلي بالليد اضائة الليد جيدة وكافية بالمختصر الفيديو 10\10

تصوير الاشخاص ... ابدع مايكون وبأدق التفاصيل وفي نقطة كنت اشوفها في تصوير الكاميرات الاحترافية ماكنت اتوقع اشوفها في كاميرات الجوال وشفتها اخيرا في تصوير الساتيو ...وهي (( الشعر الخفييييف الأبيض الموجود في الأطفال )) وظهرت لي ولو انها بشكل خفيف بس يعتبر شي ممتاااااااااااااااااز بالنسبة لكاميرا جوال

اما التصوير في الاوضاع الثانية الخارجية باقي ماجربت ولا اقدر احكم وان شاء الله رح احط صور قريبا ..

ملاحظة (( التصوير يحتاج نوع من الاحترافية بوجود الكثير من الخصائص للكاميرا ))







^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

وهذه المميزات بعد استخدام لمدة يوم :-

1- كاميرا جوال احترافية بما تعنية الكلمة واقارنها بالكميرات الديجتال الكومبات .. وليس الاحترافية طبعا بس يبي لها تعديل اعدادات قبل التصوير لضمان جودة الصورة يعني مو كل شي اوتو .

2- وزن الجهاز وحجمة وخامته ابدعت سوني اريكسون فيه .

3- وضوح الشاشة والألوان .

4- حساسية اللمس بالنسبة لــ resistive اتوقع انها الأفضل .

5- البطارية بالنسبة لقدرات الجهاز والشاشة جبارة .

6 - خلال استخدامي للجهاز لمدة 18 ساعة متقطعة ماعلق معي ولا مرة مشاء الله رغم انه اول سوفتير للجهاز .

7- نقاء الصــــــوت .

8- الكي بوردات الثلاثة في الجهاز .. خصوصا الكي بورد الكامل سهل جدا في كتابة الرسائل وبسرعة .




العيــــــــــــــــــــــــــوب :-

1- صوت الاسبيكر منخفض .. يعني في السيارة تحتاج تقربه من اذنك

2- في الاستخدام فيه بعض الخصائص مو موجودة مقارنة بأجهزة السوني اريكسون الجافــا , بس اكيد مع البرامج كل شي يكون اوكي .

3- السعر المرتفع للجهاز .

4- عند وضع النغمة أو الإهتزاز في النقــر (( في التتش )) يعلق احيانا

.. وتحدث بعض المشاكل .. (( رح تنحل هالمشكلة مع التحديث الجديد ))






----------------------------------------------



وبعض الاستفسارات اللي لاحظتها تكررت عن الساتيو رح اجاوب عنهــا



1- الجهاز يدعم TV out بس تشتري الوصلة هذه





2- بالنسبة للي يقول مافيه فتحة 3.5 صحيح مافيه بس فيه حل بسيط جدا تشتري هالقطعة وتصير لك 3.5 تركب اي سماعة تبي






3- الجهاز فيه كاميرا امامية وتشتغل لمكالمات الفيديو .


4- استخدام الجهاز مقارنة بالنوكيا .. اي مستخدم لنوكيا ينتقل لهذا الجهاز الجبار , انا اقول يوم واحد رح يعرف كله شي لانه فيه اشياء كثيرة من النوكيا بحكم انهم نظام واحد , وهذا الشي بصراحة تعبني لاني ماستخدم نوكيا , يعني اي واحد خايف من الاستخدام وخصوصا اصحاب النوكيا ياخذه وهو مغمض



^^^^^^^^^^^^^^^^^^^^^^^^^^^^^




(( صــــــــــــور من تصـــــــــــويري ))

ملاحظة مهمة ** تم تصغير حجم الصور وتقليل وضوحها لتصغير حجم الصور لتسهيل رفعها **














في الاخير اشوف انه وحشـــــــــــــــ الأجهـــــــــــزة كبيرة ياسوني اريكسون

واعتذر عن الاطالة وان شاء الله يكون التقرير أعجبـــكم ... واي استفسار انا حـــــــاظر .