الكمية تكفي:
6 أشخاص
وقت التحضير:
60 دقيقة
وقت الطهي:
45 دقيقة
المقادير:
2كيلو سمك بلطى حجم متوسط توم ليمون فلفل اخضر واحمر كرفس ملح وكمون خل
التحضير:
نفرم كل مكونات التتبيله فى الكبه ونبتدى نتبل السمك ولو حجم السمك كبير نعمل شقوق بالضهر ونحشيها
الطبخ:
نيجى لقلية السمك
نحضر كميه من الدقيق مضاف عليها كزبره ناشفه مطحونه بتدى ريحه حلوه جداا فى القلى
نيجى لتجهيز الرز والخلطه
كيلو رز+4 ثمرات طماطم+5 قرون فلفل وواحد قرن فلفل حامى+بصلتين متوسطين+توم+ملح وكمون+زيت
هنقطع البصل والتوم والفلفل ونعصر الطماطم ونحطهم فى الحله ونحط عليهم شوية زيت ونشوحهم لحد ما البصل يدبل وبعدها نضيف عليها الفلفل ونشوحه معاهم لحد ما يدبل وبعدها عصير الطماطم والملح والكمون ونسيبهم يتسبكو
بعد ما تتسبك نضيف عليها لتر ونص مايه ونسيبها تغلى دقيقه ونظبط الملح
نفرش الرز فى الصنيه بارتفاع 1 سم ونرص عليه السمك ويكون الرزمخلوط بمعلقتين زيت
نسقيه بالخلطه السابقه بحيث يكون الرز مغمور فى الخلطه وكمان السمك كون تقريبا متغطى اكتر من نصه
وندخله الفرن وتكون درجة حراره متوسطه وبعد حوالى خمس دقائق نهدى الفرن ونسيبه يستوى على راحته
استوى خلاص وهفتح عليه الشوايه شويه علشان وش السمك ينشف
اختبار السوا انك ترفعى السمك وتدوقى الرز من تحتها لو احتاج لمايه بتشقى الرز وتصبى شوية مايه من تحت كل سمكه وترجعى ترديه للفرن تانى شويه لحد ما يتشرب شوية المايه
اتفضلى بالف هنا وشفا وقدمته مع سلطة طماطم
