الكمية تكفي:
8 أشخاص
وقت التحضير:
30 دقيقة
وقت الطهي:
30 دقيقة
المقادير:
* نصف كيلو فراخ صدور مخلية
* بصلة متوسطة
* ملح * فلفل اسود * بهارات لحمة
*نصف ليمونة * رشة شطة بسيييطة جدا
*خبز مطحون (بقسماط يعني) بس انا قلت كدة عشان اوضحلك انك مش لازم تشتريه
*بيضتين ولو احتاجتي اثناء القلي زودي
* زيت للقلي
* دقيق
التحضير:
(1)* افرمي الصدور في الكابة او المفرمة
(2)* افرمي البصلة مع الملح والفلفل و الشطة وبهارات اللحمة فرم ناعم جدا
(3)* اخلطيهم على بعض
(4)* اعصري نصف الليمونة وامزجيهم مع بعض جيدا
(5)* شكلي الخليط على شكل اقراص صغيرة وضعيهم على اكياس ثلاجة بلاستيك(اكياس عادية خالص ها ما تروحيش تشتري مخصوص المهم تكون نظيفة
(6)* توضع الاقراص في الفريزر حتى تتجمد
الطبخ:
(7)* و حان وقت التحمير وخليكي معاية بالترتيب سخني الزيت _ضعي قرص الفراخ في الدقيق _ثم في البيض_ ثم في البقسماط المضاف اليها قليل جدا من الملح وشطة لو حبيتي تعمليها سبايسي _ وتوضع في الزيت الساخن وكرري الخطوات حتى تنتهي من الكمية كلها وبالف هنا وشفا
