طريقــة تنزيل البرامج والألعاب على الآيفون ... المجانية + المكركة ... شرح كامل

الســلام عليكــم

شلون الصحة ؟

إن شاء الله الكل بخير



--



بهذا الموضوع راح اشرح طريقة تنزيل البرامج والألعاب على الآيفون

لأن هذا الموضوع صار عليه هواية اسئلة بالقسم

فاتمنى هسة راح تتوضح الصورة للكل



--



اول شي الالعاب والبرامج مال آيفون تنقسم لقسمين:

اكو مجانية (فري) واكو مدفوعة (بفلوس)

إذا تريد تنزل اي لعبة لازم يكون عندك برنامج الـ [ندعوك للتسجيل في المنتدى أو التعريف بنفسك لمعاينة هذا الرابط]

واتوقع كل مستخدمين الآيفون يعرفون البرنامج هذا

وهاي صورته:







حتى تنزل من هذا البرنامج لازم يكون عندك اكاونت

وطريقة عمل الاكاونت كالتالي:



1. أدخل على اي برنامج او لعبة مجانية، وراها دوس على Free App، وراها Create New Account:







2. دوس Continue:







3. وافق عالشروط، وهم دوس Continue:







4. املأ الصفحة بمعلوماتك الشخصية، وراها دوس Continue:









5. اختار الفيزا None، ويفضل تعبي باقي المعلومات مثل ما آني معبيها

(آني اختاريت امريكا، وعبيت الصفحة بناءً على هالشي):







6. دوس Done:







7. انتهت العملية، افتح ايميلك والرسالة اللي اجتك حتى يتفعّل الحساب:









--



هسة صار عندك اكاونت وتكَدر تنزل الالعاب المجانية من الآيتيونز

زين والالعاب اللي بفلوس ؟



كدامك خيارين:



1. بالخطوة رقم 5 بدال ما تختار ،None تختار الفيزا مالتك، وتكوم تشتري الالعاب اللي تريدها.

2. تسوي جيلبريك وتنزل الالعاب اللي بفلوس مكركة على جهازك.



(العالم كلها راح تختار الخيار الثاني )



--



طريقة عمل الجيلبريك:



اتبع هذا الموضوع: [ندعوك للتسجيل في المنتدى أو التعريف بنفسك لمعاينة هذا الرابط]



--



ورة متسوي جيلبريك، تأكد بانه جهازك مربوط بالنت، وسوي الآتي:



1. أدخل على برنامج Cydia







2. دوس Manage







3. دوس Sources







4. دوس Edit







5. دوس Add، وراها إكتب هذا السورس وراها دوس :Add Source







6. دوس Done







8. أدخل على السورس الجديد







9. نزل برنامج install0us







--



ورة متنزل برنامج install0us راح تصير عندك طريقتين حتى تنزل البرامج وهي:



1. تنزل البرامج المكركة مباشرة من الجهاز.

2. تنزلها من الانترنت وراها تنقلها على الايتيونز وراها تنقلها على الآيفون.



بالنسبة للطريقة الأولى سهلة وميحتاجلها شرح، بس أدخل على البرنامج واختار البرنامج اللي تريدة ودوس داونلود



بالنسبة للطريقة الثانية هم سهلة بس يبقى منين تنزل البرامج المكركة

وهي كالآتي:



ادخل على هذا الموقع: [ندعوك للتسجيل في المنتدى أو التعريف بنفسك لمعاينة هذا الرابط].

إكتب اسم اللعبة بالسيرج مثلاً : Angry Birds.

دوس على اسم اللعبة، وراها انزل ليجوة راح تلكة روابط تحمل لكل إصدار من اللعبة.

ورة متنزلها على حاسبتك دوس دبل كلك عليها وراح تنقل للآيتيونز اوتوماتيكياً.



--



هسة البرامج او الالعاب موجودة بالآيتيونز بس يبقى شلون ننقلها للآيفون

والطريقة كالآتي :







(أختار البرامج أو الالعاب اللي تريدها (حط صح) وراها دوس Apply).



--



ملاحظة: إذا اختاريت برنامج مكرك وانت ممسوي جيلبريك راح يطلعلك ايرور وميقبل ينزلة.



ملاحظة: البرامج المكركة متكدر تسويلها آبديت من الآيتيونز، ولازم دائما انت تدور عليها وتنزلها بايدك.



--



ولهنا خلص الموضوع

اذا عندك سؤال ضيفلي رد

للجميع