المصمم المجنون
المدير العام
 عدد المساهمات : 547
نقاط : 1001
التقييم : 43
 | | موضوع: وصل لنا اسهل طريقة للبسكويت بالذبدة الإثنين يونيو 18, 2012 2:53 am | |
| المقادير:
2 3/4 كوب دقيق
1\4 كوب نشا
1\4 ملعقة صغيرة ملح
1|2 ملعقة صغيرة بيكنج بودر
2 حبة كبيرة بيض
رشة فانيليا
1 كوب زبدة لينة ( يعني تكون طرية برة التلاجة مش سايحة)
1 1\4 كوب سكر بودرة
اولا حاجة هنحط الزبدة مع السكر البودرة ونضربهم كويس جدااا مع بعض لحد ما يختلطوا ويندمجوا سوا ويبقوا بالشكل ده
وبعدين نبتدي نضيف البيض واحدة واحدة
و بعد البيضة الثانية يصبح قوامها سائل زى قوام الكيك
وبعدين نحط باقي المقادير مع بعض الدقيق (طبعا يكون منخول) والملح والنشا والبيكنج بودر والفانيليا ونبتدي نضيفهم بالتدريج على العجينة بتاعتنا لحد ماتتكون لنا عجينة بالشكل ده
كده العجينة جاهزة ومخدتش وقت خاااااالص نبتدي بقى نشكل باي قطاعة عندنا او باي شكل نحبه انا هنا كنت باخد حتة صغيرة من العجينة واكورها بايدي وبعدين اضغط عليها وبعد كده اقوم احط وشها في طبق فيه سكر خشن وده كده شكلها في الصينية
وبعد كدخ ندخله الفرن على درجة حرارة 180 لمدة من 10 - 12 دقيقة او لحد ما نلاقيه استوى واتحمر من تحت ( لو طلع من الفرن وكان طري سنة بسيطة متقلقيش خالص هو بينشف لما يبرد وبعد كده حطيه طبعا في علبة مقفولة عشان تحافظي عليه وعلى قرمشته)
 | |
|
